hoy en Galicia

Artistas arousáns e mexicanos crearán as súas obras na rúa

Artistas da comarca e de México intercambiarán experiencias no marco do encontro internacional "Identidades", cofinanciado polo Concello de Vilagarcía e o estado de Michoacán. Os creadores elaborarán diversas obras nas rúas da cidade antes de viaxar ó país latino co mesmo obxectivo.

REDACCIóN > VILAGARCíA

Media ducia de artistas centroamericanos desenvolverán a súa tarefa en espazos públicos de Vilagarcía entre o 19 e o 23 de marzo baixo o tema da identidade. Trátase dunha iniciativa para "salir de las fronteras del estudio y los museos" co fin de "acercar el arte contemporáneo a la gente de la calle", segundo explicou onte Marta Rial, pintora que actúa como enlace na bisbarra.

A impulsora de anteriores edicións do proxecto na cidade mexicana de Morelia, Elizabeth Ross, desprazarase ata Vilagarcía para emprender diversas accións de arte ritual, mentres que a actriz Quylan Lachino traballará con lume e con obxectos pendurados dunha árbore. O pintor Lalo Rubio, o multidisciplinar Prisciliano Jiménez e o especialista radiofónico Roberto Castro tamén crearán as súas obras nas rúas da cidade. En concreto, este último gravará diversos sons para retransmitilos en directo a México. Doutra banda, Amadís Ross elaborará o resumo virtual de todo o labor realizado. Ós diferentes proxectos individuais poderá sumarse algunha obra conxunta cos creadores galegos, e tamén se contará coa participación do público.

Xa no mes de abril, os artistas da comarca desprazaranse a Michoacán para desenvolver alí a actividade. Entre eles atópanse Marta Rial, Dani Iglesias e Juan Carlos Cores "Platis", que están ultimando as súas ideas.

O edil de Cultura, Roberto Araújo, destacou a importancia de "mantener el vínculo" entre os creadores de Arousa e México para favorecer "la traslación de nuevas propuestas" nas diferentes disciplinas e impulsar "la creatividad y la imaginación".

la nota aquí:http://www.diariodearousa.com en portada